स्मृती ह्या माणसाला प्राणवायूइतक्याच महत्वाच्या असतात हे अल्झायमरचा एखादा रोगी पाहिला की कळतं. जे जे जगलो आणि ज्यांच्या बरोबर आयुष्य जगलो ते सारं एका रोगाच्या नावाखाली सारं पुसून जातं. माणूस आपल्या पत्नीला, मुलांना ओळखू शकत नाही. त्यांनाच विचारतो की आपण कोण, तुम्हाला कोण हवय. किंवा त्याला त्याचं स्वतःचच नाव-गाव पत्ता आठवत नाही. हे सारं भयानक आहे. अल्झायमर हा रोग कर्करोगाप्रमाणे माणसाला ठार मारत नाही. पण जिवंतपणीचं एक वेगळच मरण अनुभवायला लावतो. ही साईट त्या अल्झायमर रोगाची माहिती देणारी एक उत्तम साईट. अल्झायमरची लक्षणं, त्यावरचे उपचार,त्यातले धोके, लोकांचे अनुभव वगैरे खूपच मौलिक माहिती ही साईट देते. भरपूर आकृत्या, छायाचित्रे, तक्ते यामुळे तिची उपयुक्तता अमर्याद आहे.
कोणत्याही टिप्पण्‍या नाहीत:
टिप्पणी पोस्ट करा